有心男開旅行社專接待輪椅人士 跳傘游水乜都齊

社會成日話要建立「無障礙空間」，為殘障人士設計特別工具方便佢哋日常活動，唔少地方都開始陸續有新發明去幫助輪椅人士，不過除咗日常基本生活所需外，似乎無乜人關心過殘障人士嘅外遊需要喎。

喺巴西，就有一位有心人設立咗一間專為輪椅人士服務嘅旅行社呢！呢位仁兄名為Ricardo Shimosakai，本身亦為輪椅人士，本身熱外旅遊，可惜2001時遇上意外，之後就要依靠輪椅行動。及後Ricardo開始發現根本無旅行社專為輪椅人士服務，因此決定自己開辦，希望輪椅人士可以暢遊巴西。目前旅行團接待嘅大多為輪椅人士及其家人，Ricardo早早已經同多間酒店及餐廳商量合作，可以一次過接待多位輪椅人士。當年就有一行20人來自以色列，當中有10人要坐輪椅，搵唔到酒店接待，到埗後先急急搵到Ricardo作緊急安排。

咪以為輪椅人士只可以行街睇景點咁悶呀，Ricardo為咗令佢哋一樣可感受巴西狂野一面，安排咗勁多刺激活動，例如喺尼羅河游水、乘四驅車穿越亞瑪遜森林、甚至潛水、Skydive等，完全係不受身體機能所限呢！Ricardo仲話希望世界各地都會有人效法佢，建立專為輪椅人士服務嘅旅行社，令佢哋可以周遊列國，多謝您呀