將輪椅搬上劇場的美國夢 港媽：女兒夢想就是我的夢想

這是一個輪椅女孩追夢的故事，也是一個父母奮不顧身為女兒圓夢的故事。14個月大已確診大腦麻痺至半生癱瘓，22歲的潘曉睛，註定有不一樣的人生。出身基層家庭，4年前憑優異成績獲尤德爵士獎學金，隻身負笈紐約讀大學攻讀比較文學，上月終憑充滿成長影子的英文劇本，在紐約贏得劇作家資助計劃，有機會將故事搬上舞台。「我希望我嘅作品，可以鼓舞到其他人」，曉睛說畢業後希望留在當地發展。3年來一直靠向親戚借貸支持女兒圓夢的潘媽媽說：「女兒的夢想，就是我的夢想」。

紐約曼克頓劇院區，曾幾何時，於22歲的曉晴來說，就像地球人仰望月球那樣遙遠。曉晴是早產嬰，出世時體重只有兩磅半，住了兩個半月醫院。「佢細個講嘢好叻，唔覺有問題，係到一歲仍坐唔穩，先確診係大腦麻痺」；「嗰時姑娘講得好婉轉，話佢會行得比其他人差，我仲話大啲就會識」。5歲那年，情況每下愈況，東歪西倒坐不穩，曉晴接受長達13小時的「脊椎神經切除手術」，在大口環兒童醫院留醫半年，遏止了神經線不斷收縮，卻註定終身與輪椅為伴。

只是，上天奪走了曉晴的活動能力，卻給回她聰明的頭腦。潘媽媽說，天資聰穎的女兒，仍是小學生時，想法已與別不同。「佢幼稚園同小學都讀特殊學校，中學轉讀主流學校，其實都係佢自己要求，話遲早都要面對個世界，不如早啲面對」。不稀罕留在保護區，曉晴是中華傳道會李賢堯紀念中學，第一個輪椅學生。「佢細個學嘢已經好快，中一第一個學期就考全級第一，唔單止我，學校都嚇咗一跳」。由特殊學校轉主流學校，別人擔心「追不上」，她卻成了同學眼中的「學霸」。

「由細到大，嗰女係俾好多驚喜我」。是驚喜，也是驚嚇，包括離家千里，獨自留學美國。「佢知家庭環境唔許可，就自己申請獎學金，去外國讀書要考好多試，我哋唔識，都係佢自己報名自己溫書，我負責陪佢去試場」。家住葵芳邨，爸爸做維修，自女兒出事，潘媽媽即辭去製衣工作全力照顧。三口之家，生活不是捉襟見肘，也肯定不算富裕。「講行路佢唔得，但諗嘢我就跟唔上」，潘媽媽苦笑。

中六DSE，中英文也考獲5**佳績的曉晴，獲港大文學院取錄，同時獲批尤德殘疾學生海外獎學金，豁免3年學費。留學美國、走進百老匯殿堂的夢想，接近了，至少沒想像遙遠。去，還是不去？「由細到大都擔心佢個病，做阿媽，點會放心佢走吖」。丈夫奉行自由主義，曾幾何時，她卻是緊張大師，對女兒遠行大力反對，直至陪女兒出席頒獎禮，批出獎學金的評判告訴她女兒的心事，潘媽媽才軟化，只因不想女兒的人生留下遺憾。
「佢小學讀特殊學校，有個同學好老友，患肌肉萎縮，情況比佢差，呢個同學過世，對曉晴打擊好大，佢話希望代好友去世界走一趟」。潘媽媽說：「近一、兩年係諗通咗，學識放手，喺呢方面，爸爸比我強，只要係個女想做佢就支持。諗番自己後生，其實都一樣」。不願上鏡的潘爸爸，一直安靜的坐在一旁，聽着太太的說話：「個女一直好努力，又真係做到，為人父母，除咗支持，係別無選擇。
」
以GPA爆4的佳績畢業，成為榮譽致詞生；在麻省最頂尖的劇場爭取實習機會，努力令CV更亮麗；自薦英文劇本，在Rising Circle Theater Collective INKtank program中獲接納公演。「呢幾年係好困難，獎學金資助大半學費，每年生活費仍要近廿萬，我做維修，一年嘅收入都無呢個數」。潘爸爸說。問親戚借錢支持女兒圓夢，只是生活不是童話，女兒若未取得工作簽證，劇本縱使贏得資助獲公演，也得面對去留。「盡咗力，承擔結果就好」，撐着一個家、撐着妻女的潘爸爸說。