『2020年台灣十大快煮麵排行』一間來自台灣著名麵食品牌老媽拌麵再次入榜，除了出售包裝拌麵，在台灣開設關廟麵專門店，2019年進駐香港在將軍澳開設第一間海外分店，而第二間則開在荃灣廣埸。仲推出咗三款香港限定嘅新菜式，不過依然保存台灣風味㗎，去開荃灣朋友一定要試下啦，地址在荃灣廣場4樓441A號舖。
全店以木系裝潢，同台灣店嘅風格一致。店內都幾寬敞，大約有40幾個座位。
老媽拌麵除了提供湯麵丶拌麵丶飯類外，更有不少小食丶炸物丶滷物和台灣茶飲。
嚟到間台式料理店，梗係要食台灣小菜啦！滷鴨舌、滷雞翅和百頁豆腐都滷得幾入味。
炸大雞排真的頗大，大如手掌，但偏為薄身。
滷雞翅共四大隻，隻隻肉厚，飽滿肥嫩，很入味呢。
三款就係香港限定嘅新菜式，以鹽酥雞、魷魚圈同紅燒牛肉麵。
講起台菜，梗係諗起牛肉麵！呢款新推出嘅川味紅燒半筋半肉牛肉麵，牛肉同牛筋嘅比例係1:1！牛肉夠腍，牛筋就爽口彈牙，一般紅燒牛肉麵入口通常都會有啲辣，但呢款就唔係好食到辣味，而係花椒、八角等香料味比較突出嘅濃郁牛肉湯。麵底係比較粗身嘅刀削麵，麵質唔會太腍，幾有咬口。
呢兩款新推出嘅飯食都值得一試！左邊嗰碗豆乳香香雞飯和右邊嘅魷魚圈滷肉飯。
招牌「川味三寶牛肉麵」，果然非常好吃唷！三寶牛肉麵，包括: 牛筋丶牛展丶牛肚，牛筋軟腍肥美，牛展結實有嚼勁，牛肚充滿湯汁，很好吃呀！
如果都係想飲傳統啲嘅台式飲品，呢度都有老媽黑糖珍珠鮮奶茶，有三層唔同顏色，賣相都唔差喎。
估唔到在香港都可以食到地道台灣口味，暫時都不用飛去台灣了。