鵝煲專家,秘制肥鵝煲選用來自汕頭之一級獅頭鵝再用自家秘制醬料炆烹一小時食時再加新鮮鵝腸同食啖啖嫩滑之鵝肉再加甘香之 ...
鵝大哥面積唔算好大，裝潢比較簡單，一般火鍋店格局，但座位間唔會好逼狹。
秘製肥鵝煲
同食雞煲一樣，都係先食鵝，再加水繼續火鍋。
打火鍋醬料每位收$10，但免加一。
好多時喺其他火鍋店食鵝腸，遇著唔太新鮮嘅話，一係就一陣味，一係就唔夠爽唔夠肥。鵝大哥嘅鵝腸完全冇以上問題，基本上好新鮮，帶少少肥脂，食落爽口微脆，配合鵝煲嘅醬汁，惹味，果然係招牌！
新鮮厚塊炸魚皮，大約有四至五大塊，上枱都哇聲四起。
大門膳嘅魚皮即叫即炸，幾乎每枱都有點。
原隻大蝦水餃皇、手打流沙蝦丸雙拼。
鵝大哥嘅小炒皇都幾出色，以魚乾、蝦乾、韭菜花炒成，魚乾相對其他酒樓菜館大條，連同蝦乾炸到好脆口。
飲品方面都有一般啤酒汽水，另外有幾款自家製竹蔗茅根水、洛神花茶、紫貝天葵等，味道夠天然，唔會太甜，食完火鍋，小炒，飲下涼茶點都好過飲汽水嘅。
總括黎講，鵝大哥嘅鵝煲幾有特色，配料選擇多，我地點嘅幾款食物味道不俗，價錢唔貴，雖然面積唔算好大，輪椅朋友出人還可以。