哈囉！好耐冇見啦！相信大家呢排因為肺炎疫炎都避免去啲人口密集嘅地方，甚至唔敢出街！問我？其實我都係！
雖然係咁，唔好哂咗喺屋企嘅時間喎！最近我喺facebook睇咗唔少人將用完或食完嘅「垃圾」循環再用，有啲仲幾有趣新奇添！今日就等小妹我同大家分享下我認為最有趣實用嘅頭3位啦！
Top 3－薯片筒
首先，鍾意食零食嘅你，對於薯片叔叔並不陌生。而食完嘅薯片筒通常都當做垃圾咁掉咗，其實相當浪費。「喂！玩嘢咩？唔通留返啲垃圾呀？」嗱嗱嗱，唔好開口埋口都講垃圾住先！
薯片筒其實好有用，只要將筒嘅最底部用
利用薯片筒自製一個裝卸妝棉架，將薯片筒嘅最底部用
因為市面上嘅卸妝棉一般都比薯片細，所以當你喺最底部拎一塊，下一張棉就會自動掉落最底，情況就好似抹手紙機咁
Top 2－膠袋
相信大部分人屋企都有膠袋，但你又知唔知佢除咗用嚟裝嘢之外，原來佢都有其他用途！而佢對於香蕉就發揮到佢嘅「特殊技能」㗎！點解？
將新買而未熟嘅香蕉擺一星期，通常會熟到爛。但如果將熟熟地嘅香蕉用膠袋綁住佢個頭位，就可以減慢佢變熟嘅速度，仲可以擺多一個星期添。
一舨嘅香蕉擺一至兩日就熟到爛
拎起一個平平無奇嘅膠袋
綁住香蕉嘅頭位
咁就可以延遲香蕉熟嘅速度，擺一星期都冇問題㗎
Top 1－橙皮
你冇睇錯，真係橙皮。橙皮除咗可以做植物肥料之外，其實佢有個隱藏技能，就係清潔微波爐喇！常用微波爐整野食嘅人都知道微波爐其實好易而好快污糟，但又唔濕得水去抹喎！就喺呢個時候，橙皮幫到你！
先準備唔要嘅橙皮，放入污糟嘅微波爐度叮3分鐘，跟住小心將橙皮拎走，再輕輕抹返乾淨，啲污跡就會唔見哂㗎啦！
希望呢Top 3能夠幫到大家解決係日常生活所遇到嘅疑難喇，我哋有機會再見！
幾污糟嘅微波爐，都有佢獨門清潔嘅秘方
先準備唔要嘅橙皮
放入微波爐，叮3分鐘
輕輕一抹，就乾淨哂㗎喇