第一次同大家見面，大家好呀！我第一次寫blog㗎咋，希望我嘅第一次唔會悶嚫大家！其實我上個禮拜已經係資訊網嘅會員，而嗰陣唔記得咗寫blog，所以喺度講聲唔好意思先！噄緊我每星期都會將一d好食得嚟又無障礙嘅餐廳推介比大家，保證唔會伏大家嘅。有我咁噅食嘅你，記得唔好錯過啦！好，廢話唔多講，即刻開始啦！Let's Go！
因為我上星期起喺鴻圖中心度返工，我老竇為咗慶祝我嘅第一日，所以帶左我去公司附近四圍行。點知行行下，比我哋發現到喺9樓一間叫做「Le Monde(譯名：世界)」嘅法國餐廳，於是就走左入去試，d職員都幾nice嘅，好用心咁安排我哋入座，個室內裝潢算幾靚。
我叫咗個蘑菇忌廉配雞柳意粉
跟餐湯
個忌廉蘑菇湯同d沙律菜都真係幾好飲幾好食。先講下個湯，佢整得個忌廉味好濃郁，而且真係幾足料，我舀起上黎，平均一啖都有五至十塊菇喺嗰啖度㗎，絕無誇張！d沙律菜冇草青味，好易入口；重點其實係個意粉，千祈唔好睇小，雖然個份量少少咁，但其實都幾飽肚㗎！如果本身激鍾意食白汁、忌廉，甚至卡邦尼嘅朋友仔，一定會超鍾意食呢個意粉！點解？個意粉整到好彈牙，而且d意粉汁夠「杰」，入口之後又唔會有油膩感，簡直「人間聖物」呀，店名果然冇改錯，有住世界級嘅水準！
我老竇就叫咗個乳豬配西蘭花，都係跟湯嘅。
表面上雖然係油咗d，但係個口感都唔錯㗎，嫩滑得嚟帶少少「e奀」，都幾好食㗎！不過想減肥嘅你，最好就梗係避之則吉啦！
因為我哋食完我都差唔多要返公司準備開工，所以等唔到餐飲嚟就走咗lu！各位打工仔囡，想食呢間法國餐廳嘅話，切記要預旱叫定個餐飲先好order主食啦，如果唔係就會好似我哋兩父女咁上唔切就要走先㗎啦！
點樣呀，d野食係咪好吸引呢？想再知多d香港邊度有好西食？記住繼續睇我呢個美食掃guide blog啦！下次約定你。