【周末動人】太太懷孕遇意外 欠獨生子的擁抱

黎志偉的兒子今年剛好5歲零3個月，太太懷孕7個月時，駛著電單車的他，在屯門公路遇上嚴重交通意外，當場昏迷，留醫3個月。死裏逃生，惟脊椎神經線卻嚴重受創，從此只能以輪椅代步。5年前，見證兒子出世，是他極速康復的動力；5年後的今日，他積極籌備「配腳之旅」，爭取到國外安裝機械腳，期待企起身「抱起個仔」轉幾個圈：「呢樣嘢，係我一直欠佢嘅」。

「留醫時目標好簡單，就係要喺3個月內，自己用雙手落到輪椅，碌到去產房」。手術後仍掛著維生機器，他已在床上拉筋帶練臂力。「對面個病人，情況比我輕微，唔肯點郁，長期臥床，佢話都好唔番仲咁勤力做咩，我話我只有廿幾歲，個仔又就出世，唔死得，就要諗點樣生存」。他的堅持，結果竟感染到這個病人運動。「覺得自己原來仲有用，至少，可以影響到其他人」。

這種存在的價值，讓他振作。運動員出身，意志力驚人，定下目標，他自言手術後一星期已收拾心情，學生、朋友排隊來探望、五花八門的復康方法，他來者不拒。「我同佢哋講，set 個更表，輪流嚟探，幫手抹身做吓嘢」。仍然主動又強勢，其實是不想待產的太太為他奔波。「頭半年其實都係死頂，你諗吓，我冚咗，我太太，佢嘅父母會點？」。上網找復康資訊，努力適應輪椅生活。「活得好，係想多謝當初幫過我的人」。

他還希望回饋社會，遊走不同學校出席分享會，現身說法，冀將生命影響生命。「掉咗大半獎牌，換回幾十張感謝狀」。就是破天荒的「配腳之旅」，他亦拒絕眾籌。「連同食宿及住院等醫療費用300萬港紙，希望靠自己賣書、搞講座和代言籌集經費，唔知得唔得，但未試過，你永遠唔知結果。定下目標就勇往直前，是他一早入了血的運動員特質。「未可以成行住，咪先練體能同勤力拉筋，之前檢查，坐得輪椅耐，左腳萎縮得緊要，唔懶得」。

多次強調舊的黎志偉已死的他，在香港攀岩界，卻是值得留名的傳奇。17歲已由香港攀出世界，勇奪亞洲青少年攀登賽兩屆冠軍，成為首位贏得殊榮的華人，打破日韓選手壟斷局面。在世界攀石巡迴賽獲世界第八；08年又以不足10 秒，領先成為包山王，風頭一時無兩。如日方中卻於5年前遇上的車禍，意外後兩年重返攀石場，甚至重返港隊做攀教練，不能親身示範，但就以豐富經驗承傳，翌年並膺選傑出青年。