坐輪椅操魚竿　87歲釣魚婆婆嘅愛的故事

從前照顧你長大的人變老，你願意花時間帶他們看看這個世界嗎？最近出現一位活躍於網上釣魚群組的「釣魚婆婆」，坐着輪椅的她不時大晒其釣大魚的生活照，雙手捧着戰利品，笑得合不攏嘴。有人疑惑，她年事已高、行動不便，如何在碼頭操作魚竿？莫非她是隱世釣魚高手，有高超垂釣技巧？

「阿婆着鞋，穿埋呢隻腳！」「阿婆着呢件衫好無呀？出面凍呀！」87歲的釣魚婆婆珍姐整裝待發，安坐輪椅上，身旁兩名忙着照顧她、打點釣魚裝備的「阿四」，正是婆婆女兒Annit及孫女阿Lam。

原來釣魚高手，全靠有幕後功臣。到達碼頭，阿Lam與Annit忙於買餌，準備乾糧，穿絲，勾餌，珍姐則在碼頭邊曬太陽，嘆着她最愛的雪糕。等她們拋竿後，再把魚竿交到她手上。Annit笑言，釣魚可謂家庭10多年來的親子活動。「以前細個爸爸會帶我哋幾個百厭星去釣魚，阿媽喺一邊照顧我哋。」小朋友長大，婆婆倒是成了老頑童，終日渴望遊山玩水，所以家人有時間便帶她釣魚。

「照顧老人家壓力好大，無可能滿足到佢嘅全部，有時要取捨，互相體諒。」即使時常帶珍姐外出，Annit仍覺得自己「做得不夠」。她直言，長期照顧長者令她身心透支，掙扎過後，她將母親送到老人院，讓自己有健康的生活節奏，養足精神過每一個家庭日。「佢話就話你忙就算啦，唔使睇佢，但其實老人家有咩掛呀？佢唯一掛嘅就係你。」

Annit慶幸，大女兒阿Lam同樣學會這種愛。自小被珍姐一手湊大，阿Lam並沒有忘記陪伴自己長大的婆婆。她手指間紋有兩隻歪歪曲曲的文字，竟是婆婆全名「方珍」。她看着身後的婆婆說：「呢個係唔識字嘅婆婆寫嘅字，佢對我好重要。」說罷，她拿出紙巾，輕輕抹掉婆婆眼角，迎風吹得直流的眼水。

雖然婆婆喜歡釣魚，但她不算有耐性。「好悶呀！都冇魚嘅！」她抱怨道。「以前我哋喺屯門釣魚，一拋竿就有魚，一條一條釣上嚟！」說起往事，她眉開眼笑，露出僅餘的一顆牙齒。