余翠怡壓軸演逆轉 港隊女重挫俄羅斯奪金

日前已刺下個人賽1銀1銅的香港「輪椅劍后」余翠怡休息一天後再上戰陣，周五（10）於IWAS輪椅劍擊世界錦標賽聯袂吳舒婷、湯雅婷及鍾婉萍出戰女子重劍團體賽，過關斬將後在決賽後上反勝勁敵俄羅斯，勇奪港隊本屆賽事第一金！

港隊4位女將先於8強及4強賽分別以45：40及45：36淘汰白俄羅斯及波蘭，冠軍戰硬撼俄羅斯，一度落後31：35，憑壓軸上陣的余翠怡在打出一節14：8的關鍵局分，助港以45：43反敗為勝，勇奪金牌。

「我哋係世•界•冠•軍呀！」個人暫已袋走1金1銀1銅的余翠怡賽後喜不自勝：「今日每一場都係硬仗，依個冠軍特別感動，唔係因為贏，而係大家每一個人都做好自己位置。隊中兩個新人都係第一次打世錦賽團體，經驗和能力是不足的，賽前我哋目標係前四，到準決賽贏波蘭入決賽，已經覺得達到目標，畢竟決賽對手是俄羅斯，上一屆世錦就係輸給她們，對方人腳同能力都很平均，打的時候真沒想太多，點知打吓一分打吓又一分，9局中雖然大部分都係落後，但只要比分不是拉得太遠，還是有希望。」

余翠怡又說：「去到第9局我上場，當時比分31：35落後，只係諗點想攞分，從比分收窄到追平再反超，到最後一劍『雙燈』，45：43，贏咗！」余翠怡、吳舒婷、范珮珊及鍾婉萍周六（11日）將續戰女子花劍團體賽，向第2面金牌進發。